今日名句︰Oscar Lok生日快樂！！！ = v =""同樣地，十八年前的同年同月同日，呀媽都好辛苦咁開佐一刀生佐我出來。 =P 今日番到屋企換佐套校服，即時劃佐一注入馬會買六合彩，覺得自己童真不再。 @o@"" 第一日由青少年變做一個大人，感覺係會成熟佐。生理上係，心理上呢?? 今日有一個好好的起、承、轉、合。 =] 多謝咁多個曾經o係SMS, facebook, 親口、親筆講生日快樂的人！太開心喇！ =D~~~~~~~~~~~~~~~~~~~~~~~~~~~~~~~(我個名叫做分隔線)~~~~~~~~~~~~~~~~~~~~~~~~~~~~~ A nice morning... 今朝第一件事係要起身去輔彌撒，做佐輔祭兩年lu~ =P 好記得兩年前Matthew Wan的生日禮物就係醒第一台7:15的彌撒我輔...... = v ="" 作為一個Catholic, 十八歲的第一日係要向賜俾生命的主感恩。 =] 之後去佐念玫瑰經然後番上班房，又一驚喜是也...... 好多謝NN精美的生日蛋糕！親筆的生日快樂好感動哦 ！ pure堂李sir出奇地俾心機教書, 教Riemann sum for evaluation of definite integral~ 都教得幾有板有眼，算係生日禮物喇！XDDD ~~~~~~~~~~~~~~~~~~~~~~~~~~~~~~~(我個名叫做分隔線)~~~~~~~~~~~~~~~~~~~~~~~~~~~~~ A pleasant lunch gathering in the afternoon.... 約佐好多人食飯，不過有共通點︰都係之前冇話他地聽係因為我生日而食飯...... =P 因為未知道有le回事而又來的人係有福的..... =P 萬發茶餐廳撞到肥黃，即係話之後個UST trip唔駛驚遲到！XDXDXD 收到晞晞的一份生日禮物，初頭唔係好明送書的用意，後來UST trip完佐就get到...... @O@"" 多謝咁多個曾經俾面我去食飯的人！ =] ~~~~~~~~~~~~~~~~~~~~~~~~~~~~~~~(我個名叫做分隔線)~~~~~~~~~~~~~~~~~~~~~~~~~~~~~ A surprising and thought-provoking visit at HKUST...... KK sir同埋肥黃搞佐個UST工學院visit俾我地，由個professor係華仁舊生同我地sell科大幾好..... @@"" 之前未去過UST的open day, 今日有機會去睇睇 。 而且有機會穿成套保護袍入d納米技術的high-tech lab, 仲勁過去open day ah~XDDD 認識下唔同大學係好事，不過都係諗緊會點揀大學，又係人生的迷惑..... 唔係咁個Proof.真係好極力咁推銷科大，但係只係最鐘意佢的一句就係︰ 「時勢冇人知係點架喎.....九十年代IT好hit, 過佐唔夠十年又淡佐；
前排話從商出路，邊個料到舊年有金融海嘯?
實都係跟興趣揀科同future career最好。」所以我愛的都仲係數學，做數同幫人理解數學的迷團都係我自信的來源 。 ~~~~~~~~~~~~~~~~~~~~~~~~~~~~~~~(我個名叫做分隔線)~~~~~~~~~~~~~~~~~~~~~~~~~~~~~ Endless happiness for the 18th birthday as an adult... 今日由朝食到晚都好豐富，早餐食佐炒面同腸粉；中午有吳sir請食海南雞飯；
而下午茶去佐UST食鼓油雞拉麵；晚飯係雞中翼同鼓油雞...... 成日都係食雞食雞再食雞，因為我最鐘意食雞！XDDDDD搭港鐵番屋企睇晞晞送的o個本書，開始有d野諗到wor~ @o@"" 依靠天主唔代表一個人要缺乏自信ga wor~ 今年相熟的朋友多數都做佐頭頭，那個那個會長、甚麼甚麼主席，而自己就一個都冇。 我相信一線之差，只在乎我缺之一份勇氣同自信去承擔..... +___="" 不過，只係怨自己的過去係無補於事，但我寄望考好AL入大學後的生活會係黃金的三、四年 ！ ~~~~~~~~~~~~~~~~~~~~~~~~~~~~~~~(我個名叫做分隔線)~~~~~~~~~~~~~~~~~~~~~~~~~~~~~ 隨筆/感想︰ 第一次入馬會買六合彩，入到一個龍蛇混雜的地方，唔識畫六合彩令到我好尷尬..... = 0 ="" 不過第一次拎著張十八歲的身份證，堂堂正正咁入馬會..... 證明自己唔係細路仔，社會對自己真係有期望(起碼俾你入一個咁雜的地方，就代表信任你識明辨是非同埋保護自己)，屋企人對我有期望，自己對自己有自信同期望......le個十八歲的生日好有意義，係人生的意義！ =D 多謝好多人，送禮物的晞晞、仲有肥dom, Jeremy, DOS........
好好人的吳sir, 有potential的仔Ronald, 成日激我的肥蘇........
一齊教好班F3仔的太陽王子........
默默送上生日快樂的所有人, e.g. 方包、雷仔、NN, 江公、facebook留言的人, etc....
你地為我拼出一個美麗的十八歲生日天！Thanks!!!就此收筆 | 
